Памер шрыфту
A- A+
Iнтэрвал памiж лiтарамі
Каляровая схема
A A A A
Дадаткова

Раздзелы сайта

Галоўная

Гісторыя і традыцыі

Школа была адкрыта ў 1978 годзе і разлічана на 320 месцаў. Зараз у школе навучаецца 147 дзяцей, працуе 23 педагогі. Педагогі школы ўмела накіроўваюць і карэктуюць вучэбную дзейнасць сваіх выхаванцаў, ствараюць умовы для іх творчага развіцця. Школа мае сваю сімволіку: сцяг, герб, гімн. У аграгарадку Мір на тэрыторыі якога размешчана школа, дзейнічае лыжа-ролерная траса, ініцыятарам будаўніцтва якой выступіў былы дырэктар школы А.М. Жук. Гэта добрая база для правядзення трэніровак, спаборніцтваў, спартыўных святаў, а для моцных падлеткаў траса - выдатная магчымасць для развіцця сваіх здольнасцяў. Вучні паспяхова выступаюць на спаборніцтвах рознага ўзроўню. Так, юныя спартсмены з'яўляюцца членамі зборнай каманды вобласці па лыжных гонках і біятлоне. Выпускнікі Яўген Шалік і Кісціна Вераніка - чэмпіёны рэспублікі па гэтых відах спорту, а таксама ў стральбе з пнеўматычнай зброі ў спаборніцтвах "Снежны снайпер". З 2012 года школа афіцыйна прызнана базавай навучальнай установай на Брэстчыне па біятлоне.

Сімволіка Мірскай школы

Сцяг ДУА "Мірская сярэдняя  школа"

 быў распрацаваны і прыняты ў 2007 г.

 

Блакітны колер сцяга – колер неба, надзеі, аптымізму – гэта нашы гарызонты мэт, бязмежныя і невычэрпныя. Блакітны колер адпавядае гістарычнаму колеру Брэсцкага ваяводства.

  Белы колер – чысціня памкненняў, адчыненая чыстая старонка, на якой нашымі настаўнікамі і вучнямі будуць напісаны словы, што прывядуць да разумення ісціны, дабра і прыгажосці.

 Трохкутнік на сцягу – гэта сімвал устойлівасці ад усіх знешніх уздзеянняў, вострыя вуглы – сімвалы вастрыні розуму, увагі. Настойлівасці, волі, мэтанакіраванасці.

 Гэта сімвал трыадзінства: Вучні – Настаўнікі – Бацькі.

 Герб школы

  Герб - сімвалічная эмблема, у прыватнасці для   нас - візуальны адпаведнік школы. Ранні герб меў выгляд шчыта з выявай (галоўны атрыбут), потым у яго ўвайшлі шлем, кленод (фігура на шлеме), намёт, якім закрывалі шлем ад сонца, карона. Для школьнага герба мы ўзялі наступныя элементы: выгляд шчыта і карону. Плошча герба падзелена на чатыры часткі, якія сімвалізуюць сабой якасці, патрэбныя кожнай асобе: самастойнасць, выхаванасць, смеласць, адукаванасць.       

  ЗНАЧЭННЕ КАЛЯРОВАЙ ГАММЫ

 ЧЫРВОНЫ КОЛЕР з’яўляецца сімвалам духоўнага і фізічнага здароўя.

 ЗЯЛЁНЫ КОЛЕР сімвалізуе духоўную маладосць кожнага, хто навучаецца і    вучыць у Мірскай школе, а таксама сімвал спадзяванняў і веры.

  БЛАКІТНЫ КОЛЕР сімвалізуе любоў да азёрнай Беларусі, да ўсяго, што складае духоўную і матэрыяльную спадчыну краіны.

 ЖОЎТЫ КОЛЕР сімвал станоўчай энергіі, якая падтрымлівае гармонію жыцця ў   школе паміж вучнямі , паміж вучнямі і настаўнікамі. Энергія школьнага жыцця тоесная энергіі сонца, якая падтрымлівае жыццё на Зямлі.

 ЗНАЧЭННЕ РАЗМЕШЧАННЫХ НА ГЕРБЕ ВЫЯЎ

   Кніга – сімвал ведаў, дапытлівасці, адной з галоўных крыніц радасці мыслення.

   Формула энергіі: энергія кожнага вучня і настаўніка зліваецца ў адзіную энергетычную плынь, якая дазваляе нам існаваць і заяўляць пра сябе як асоб цікавых, адукаваных, заклапочаных лёсам сваёй школы і Айчыны.

 Камп’ютар – сімвал сучаснасці, хуткай абнаўляльнасці кожнага, хто навучаецца і працуе ў Мірскай СШ. Ён сведчыць пра тое, што ўсе мы крочым у ногу з часам, адчуваем змены ў грамадстве і чуйна рэагуем на іх.

 Выява будовы атама сімвалізуе тое, што ўсе мы ўяўляем сабой адзіны, правільна пабудаваны "атам”, дзе кожны на сваім узроўні грунтоўна і якасна выконвае сваю работу.

 Усё вышэйпералічанае дазваляе нашай школе насіць ганаровае званне Каралевы, твар якой – якасная адукацыя і выхаванне.

 Звярніце ўвагу на КАРОНУ, якая ўвянчала нашу цудоўную, родную, непаўторную, адзіную Мірскую школу.

                               Гімн школы (спяваем разам)

                 1. Мы ўсе, Беларусь, твае дзеці

                     Нашчадкі Скарынавых спраў, 

                     А лепшае месца на свеце, 

                     Дзе першы званок прагучаў.

                     Настаўнікі – нашы дарадцы,

                     І што ні ўрок – адкрыццё,

                     А цяжкасцяў нам не збаяцца:

                     Мы песняй вітаем жыццё.

                                    Прыпеў:

                     Родная школа, а мы маладыя,

                     І з кнігай сябруе вучнёўскі наш гурт.

                     Мірская школа – два словы святыя,

                    Для кожнага, хто навучаецца тут.

             2. І кожны ў нас – малайчына!

                 Спяшаемся мы з класа ў клас,

                 Хай славіцца наша Айчына

                 І збудуцца мары ў нас!

                 Нам школай сваёй ганарыцца!

                Так весела крочыць сюды!

                А вырасцем – будуць нам сніцца

                І клікаць дзяцінства гады.

                            Прыпеў.