Сёння ў Сталовіцкай сярэдняй школе адбыўся ХІІІ раённы піянерскі злёт, прысвечаны 30-годдзю ГА "БРПА". Дэлегатамі злёту былі старшыня Савета дружыны і ўдзельнікі сцягавай групы нашай школы. Пасля ўрачыстага адкрыцця піянеры працавалі на трох гульнёвых пляцоўках. Сярод іншых педагог-арганізатар Міхневіч Вольга Антонаўна і піянерская дружына нашай школы былі адзначаны граматамі Баранавіцкага раённага савета ГА "БРПА". Віншуем і жадаем поспехаў у новых піянерскіх справах!