Няхай звініць, заходзіцца званок,
I весяліцца з вамі, і паплача.
Зрабіўшы на лінейцы свой віток,
Ён пажадае вам ва ўсім удачы. фота
Сёння вучні і настаўнікі нашай школы ўрачыста адзначылі заканчэнне навучальнага года. Лепшы клас года - 5 клас, класны кіраўнік - Шуцьева Ж.С., лепшы вучань года - выпускнік 11 класа Папоў Мікалай. Віншуем!
Прайшла традыцыйная лінейка, у час якой прагучала шмат добрых, пяшчотных слоў у адрас любімай школы. Выпускнікі развітваліся з дзяцінствам, скора яны пойдуць далей сваімі шляхамі ў дарослае жыццё. А школа будзе заўсёды чакаць сваіх дзяцей, як маці, якая аддае ім усе свае сілы і веды. Жадаем усім вучням добра адпачыць у час канікул, а выпускнікам - поспехаў і ўдачы.