18 снежня навучэнцы ДУА "Мірская сярэдняя школа імя Героя Савецкага Саюза Р.А.Чакмянёва" наведалі хлебазавод г. Баранавічы.Рабяты змаглі на свае вочы ўбачыць, як з простых зерняў нараджаецца духмяны хлеб, які кожны дзень з'яўляецца на нашым стале. Дзеці з цікавасцю назіралі за працай пекараў і тэхнолагаў, даведаліся пра розныя этапы вытворчасці - ад замесу тэсту да ўпакоўкі гатовай прадукцыі. Асаблівую ўвагу выклікаў аповяд аб якасці мукі і натуральных інгрэдыентах, якія выкарыстоўваюцца на прадпрыемстве. Магчымасць паспрабаваць свежы хлеб і булачкі стала яркім момантам экскурсіі - густ і водар запомніліся надоўга.Экскурсія дапамагла дзецям зразумець важнасць працы людзей, якія штодзень забяспечваюць нас хлебам.Атрыманыя ўражанні будуць карысныя для фарміравання павагі да працы і беражлівых адносін да прадуктаў харчавання.Наведванне хлебазавода стала не толькі пазнавальнай, але і натхняльнай падзеяй. Дзеці вярнуліся з яркімі эмоцыямі, новымі ведамі і падзякай да людзей, якія ствараюць хлеб - сімвал жыцця і дастатку.