Сёння, 13.02.2025, ва ўстанове адукацыі быў праведзены другі Дзень бяспекі на водах. Тэма гэтага месяца "Лёд - небяспека". Мерапрыемства наведаў старшыня Баранавіцкай раённай арганізацыі АСВОД Сувораў А.Ю., які чарговы раз нагадаў навучэнцам аб правілах бяспечных паводзін на лёдзе. Дзецям было расказана аб трываласці лёду, аб небяспечных месцах на вадаёмах, аб правільнай экіпіроўцы пры выхадзе на вадаём. Дзеці даведаліся аб спосабах аказання першай дапамогі і самавыратаванні.