У Беларусі адзначаюць Дзень бібліятэк.

Гэта свята з’явілася ў краіне ў 2001 годзе, а дата 15 верасня выбрана ў гонар дня заснавання Нацыянальнай бібліятэкі. Ідэя стварэння прафесійнага свята была ініцыяваная Беларускай бібліятэчнай асацыяцыяй. Да свята традыцыйна прымеркаваныя сустрэчы працаўнікоў бібліятэчнай сферы, выставы, дыскусіі, круглыя сталы, навуковыя канферэнцыі, акцыі.

На сённяшні дзень у Беларусі налічваецца больш як 9 тысяч бібліятэк, агульны фонд якіх перавышае 200 млн экзэмпляраў.

У нашай школе вучні 4 класа павіншавалі бібліятэкара Альшэўскую Наталлю Леанідаўну з прафесіянальным святам і падарылі сувеніры, зробленыя сваімі рукамі.