У школе прайшлі мерапрыемствы, прысвечаныя Сусветнаму дню здароўя. У фае школы быў аформлены інфармацыйны стэнд і выстава літаратуры аб тым, як захаваць сваё здароўе, была праведзена акцыя "Не алкаголю". 

Акрамя таго, школу наведалі госці з Баранавіцкай дабрачыннай місіі "Вяртанне". Яны выступілі перад вучнямі 6-11 класаў з прафілактычнай гутаркай пра наступствы ўжывання тытуню, алкаголю, наркотыкаў, спайсаў; навучылі прыёмам адмовы ад першай прапановы паспрабаваць хоць адзін раз наркатычнае рэчыва.
Вучні задалі пытанні былому наркаману Аляксандру, паглядзелі і абмеркавалі відэафільм пра людзей, якія трапілі ў залежнасць ад наркотыкаў і алкаголю.