Сёння, 05.05.2025, адбыўся тэлемост "Адна на ўсіх Перамога" паміж Мірскай сярэдняй школай імя Героя Савецкага Саюза Р.А. Чакмянёва і сярэдняй школай №11 горада Сочы. Дзеці падрыхтавалі цікавыя відэаролікі: вучні з Мірскай школы расказалі аб наступальнай аперацыі "Баграціён", яе значэнні для набліжэння Перамогі і аб Брэсцкай крэпасці, а вучні з Сочы - аб бітве за Каўказ і абароне горных перавалаў у гады Вялікай Айчыннай вайны. Гэты тэлемост мае вялікае значэнне для нашых навучэнцаў. Ён дапамагае ім лепш даведацца пра гісторыю Вялікай Айчыннай вайны, зразумець уклад братэрскіх народаў у агульную Перамогу і адчуць сувязь пакаленняў. Абмен ведамі і вопытам паміж школамі розных краін садзейнічае ўмацаванню дружбы і патрыятызму ў падрастаючага пакалення.