Сёння, 18 красавіка, для навучэнцаў нашай школы быў праведзены Рэспубліканскі Алімпійскі ўрок 2024 года, прысвечаны Міжнароднаму Дню спорту на карысць развіцця і міру.
Алімпійскі ўрок стаў для дзяцей яскравай падзеяй, якая дазволіла лепш пазнаёміцца з Алімпійскім рухам, яго традыцыямі і каштоўнасцямі, з прынцыпамі сумленнай гульні.
Дзеці даведаліся падрабязна аб развіцці спорту ў Рэспубліцы Беларусь, а таксама азнаёміліся з гісторыяй алімпійскіх узнагарод.
Навучэнцы ўзгадалі выдатных беларускіх спартсменаў, абмеркавалі іх уклад у спартыўную дзейнасць Беларусі.
Дадзены ўрок спрыяў фармаванню ў падрастаючага пакалення духоўна-маральных каштоўнасцяў, здаровага ладу жыцця.