Сёння, 22.12.2023, адбылася агульнашкольная лінейка, прысвечаная заканчэнню другой чвэрці. Па традыцыі навучэнцы і педагогі выканалі гімн Рэспублікі Беларусь. Дырэктар Мядзведзік С.М. нагадала дзецям аб выкананні правілаў бяспечных паводзін на зімовых канікулах, намеснік дырэктара па выхаваўчай рабоце Гутырчык В.М. азнаёміла навучэнцаў з планам работы на зімовых канікулах. Кіраўніцтва ўстановы адукацыі пажадала навучэнцам карыснага і бяспечнага адпачынку. На лінейцы было сказана аб тым, што цяпер у Рэспубліцы Беларусь сярод моладзі набірае папулярнасць серыял аб маладзёжных групоўках "Слова пацана. Кроў на асфальце", у якім ёсць сцэны насілля і злачыннасці. Дырэктар акцэнтавала ўвагу на тым, каб падлеткі ні ў якім разе не рамантызавалі злачыннасць і насілле і не спрабавалі ўвасобіць падобнае ў жыццё.