З 4 па 11 красавіка 2022 года ў Рэспубліцы Беларусь праводзіцца прафілактычная акцыя "Дом без гвалту".

Мэта акцыі - уцягванне шырокіх слаёў насельніцтва ў аказанне дапамогі і садзейнічанне дзяржаўным органам у вырашэнні праблем гвалту ў сям'і з прымяненнем да асоб асацыяльных паводзін мер індывідуальнай прафілактыкі правапарушэнняў.

Дамашняе насілле адбываецца за зачыненымі дзвярыма, але яно, несумненна, з'яўляецца праблемай усяго грамадства. Гвалт у сям'і - найбольш распаўсюджаная форма гвалту ў дачыненні да жанчын. Згодна з даследаваннямі, праведзенымі ў шэрагу краін Сусветнай арганізацыяй аховы здароўя, да 70% жанчын хаця б раз у жыцці падвяргаліся фізічнаму гвалту з боку свайго партнёра ці мужа. Многія жанчыны здзяйсняюць грубую памылку, калі пасля першага ці другога сямейнага скандалу, які завяршыўся рукапрыкладствам з боку мужа-агрэсара, не надаюць гэтаму асаблівага значэння і не звяртаюцца па дапамогу да спецыялістаў. Памятайце: у 95% выпадкаў, калі гвалт ужо меў месца, ён паўторыцца.

Гвалт у любой форме праяўлення непрымальны для грамадства. Дзе ёсць гвалт у сям'і - няма сям'і. Просім вас задумацца: а ці правільна жывяце вы?

Памятайце: свет без гвалту пачынаецца ў вашым доме! Зробім яго бяспечным разам!

Акцыя пройдзе ў тры этапы: з 28.03.2022 па 03.04.2022 - падрыхтоўчы этап, з 04.04.2022 па 09.04.2022 - асноўны, 11.04.2022 - заключны.

Калі вам вядома пра факты гвалту ў сям'і ці вы з'яўляецеся ахвярай такога гвалту, мы гатовы аказаць дапамогу кожнаму.

Патэлефанаваўшы па тэлефоне «гарачай лініі» 8-801-100-8801 (з 8.00 да 20.00), вы можаце атрымаць юрыдычную кансультацыю (з 8.00 да 13.00) і псіхалагічную дапамогу (з 13.00 да 20.00). Званок па Рэспубліцы Беларусь са стацыянарнага тэлефона бясплатны і ананімны.

Пра кожны вядомы выпадак гвалту ў сям'і просім паведамляць па тэл. 102