15 сакавіка наша краіна адзначае дзяржаўнае свята - Дзень Канстытуцыі Рэспублікі Беларусь.
У Мірскай сярэдняй школе стала добрай традыцыяй у гэты дзень праводзіць мерапрыемствы, на якіх ідзе размова аб дзяржаве, яе законах, сімвалах, правах і абавязках грамадзяніна. З самай раніцы плённа працавала інфармацыйная група.
Асабліва ўрачыстым гэты дзень быў для навучэнцаў 8-9-х класаў, якім споўнілася 14 гадоў: яны атрымалі падарункавыя выданні "Я - грамадзянін Рэспублікі Беларусь". Яркія і маляўнічыя кнігі змяшчаюць мноства карыснай інфармацыі, якая дакладна спатрэбіцца юным грамадзянам краіны. Выданні навучэнцам уручылі: начальнік ІСН Баранавіцкага РАУС Бабіч В.У., галоўны спецыяліст па ідэалагічнай рабоце ААТ "Агракамбінат Мір" Мініч А.У.